藝人林保怡將相隔13年重返TVB拍劇，他早前承認會接拍《刑偵12》，每天抽3至4小時讀劇本，與監製一同研究如何將劇本發揮得更出色，「久別重逢」都希望有好成績。

　現時保怡重返拍劇，無線亦找來實力派演員與他合作，女主角有早前於《一舞傾城》飾演媽媽生的陳法蓉及傅嘉莉，據知今次2人會以「雙女主」坐鎮。陳法蓉接受東網獨家訪問時，坦言曾與保怡拍電影，但沒有同場戲份，她謂：「我哋係認識嘅，但冇正式合作過，之前無線台慶頒獎禮嗰晚，佳導（總監製鐘澍佳）同我講有個角色好啱我做，依家我睇咗劇本，係一個好突破嘅角色。」

　而之前於《婚後事》有驚喜演出的陳自瑤亦會客串，並與林保怡有感情線。陳自瑤接受本報獨家訪問時直言今次戲份主要跟保怡一起，她謂：「其實同前輩合作我都有啲緊張，我真係細細個就睇保怡哥啲戲，入行咁多年我都未見過佢真人，更加未合作過，所以真係第一次，希望渠多多指教。」身為「直播女郎」的陳自瑤，被問到拍劇是否會損失很多搵銀機會時，她謂：「直播嗰度都OK嘅，要兩邊就時間，就到我當然會做！」

　高鈞賢坦言對初次與林保怡合作感到期待，他謂：「雖然而家要中港兩邊走好忙，不過呢套劇真係好值得拍，所以辛苦啲都接。」◇