「錢大海」鄭則仕生日亞視之友齊聚同慶Kent哥七十三歲。鄭則士喺《神耆小子》扮演錢大海既要查出綁架真兇，又要同玫瑰重修舊好，鬼馬幽默嘅Kent哥多年來演出作品無數，圈中好友更加多不勝數，今日係佢七十三歲生日，一班往昔電視台老友好似陳煒AliceChan夫婦鮑起靜方平夫婦1MoreFriend苑瓊丹黃浩然RaymondWong夫婦前亞視高層鄭偉強仲有Kent哥愛妻林燕明孻子同兒媳等一齊聚餐慶祝。

　呢日有壽包又有蛋糕，大家幾十年友誼相聚非常溫馨。其實Kent哥同舊拍檔關係都非常親密，好似黃浩然同佢合作過《情越雙白線》後，過年都會帶住囝囝向自己劇中角色嘅爸爸Kent哥拜年，而煒哥同鮑姐更係亞視年代已經合作無間，好似鮑姐同Kent哥嘅經典《肥貓正傳》、加上煒哥亦有份演出嘅《屋企有個肥大佬》等。近年煒哥成婚同生日，Kent哥都必定係座上客，佢哋亦喺TVB合作過《火線下的江湖大佬》演出。◇