炎明熹（Gigi）去年首個個人演唱會，尾場因颱風關係取銷，相隔半年，前日（12日）Gigi再度踏上九龍灣國際展貿中心Star Hall舞台舉行《Gi-FORCE炎明熹演唱會2024》。

　甫開場，Gigi以銀色星際造型一口氣獻唱《真話的清高》、《焰》、《守望麥田》及《深夜告別練習》。接着，她換上紅色露膊連身裙，送上《心淡》、《世事何曾絕對》、《蜚蜚》及《記得》，盡顯唱功。接著，Gigi換上橙紅色bra-top狂曬纖腰，聯同8位舞蹈員載歌載舞。期間她再度表演翻筋斗，跳足逾10分鐘絕無冷場。

　來到第四部份，Gigi唱畢《李白》後跟樂迷打招呼：「終於可以正式同大家講嘢，大家可唔可以畀啲掌聲鼓勵下我呢？為咗個颱風，我哋隔咗半年先再見，其實我係非常之驚，勁驚大家期望極大，又驚自己令大家失望，咁就唔使再同大家見面啦。」

　整晚Gigi獻唱的歌單，除了是她精心挑選，同時亦代表了自己的心聲，尤其是唱到《明天你好》時，Gigi突然哽咽，數度轉身背向樂迷落淚，直到情緒稍為穩定才說：「我小學已經聽呢首歌，我冇諗過自己會做到歌手，我想將呢首歌送畀陪喺我身邊嘅人，同逐漸分開嘅人，好似喺天上面嘅爺爺，分道揚鑣咗嘅同學、朋友。我要好多謝我嘅屋企人，接受咗我唔開心嘅情緒，仲一路鼓勵我。」

　Gigi請來嘉賓馮允謙（Jay Fung）現身，兩人合唱《報復式浪漫》，讓樂迷驚喜不已。Jay Fung指兩人因為《星夢傳奇》認識，大讚Gigi唱歌很好聽：「咁細個又唱歌又做戲又返學又有禮貌，屋企人真係教得好好。」他主動邀請平日罕有畀心心手勢的Gigi，與他一起派心，更即場傳授派心技巧，事後Jay Fung窩心地問候Gigi，與他一起做心心會否很尷尬，場面搞笑。

　Gigi完成首場後接受訪問，自評首場表現是「唔滿意之中嘅滿意」，騷前有點緊張，還在台上唱錯歌詞及忍不住笑。說到演唱《明天你好》時落淚，她說︰「我啲淚點都唔知邊度來！我預咗會喊，彩排時都有小小鼻酸感覺，到現場時真係忍唔到，首歌令我好大感觸。」

　Gigi否認19歲大個女，舞台服飾可以性感一點。談到在台上騷纖腰，Gigi說︰「彩排時發覺只食正常飯量嘅話，體力支持唔到整場表演，所以開騷前專登食多啲飯。如果大家覺得我條腰OK，真係要讚下！我條腰比較長，都幫到我打後空翻。」

　Gigi表示，姚焯菲會回港捧場，但鍾柔美及詹天文因要考DSE未能到場支持。她被追問曾傳緋聞的《全民造星V》20強鄧家杰（Kakit）可有捧場時說︰「我又無請佢來睇。其實我只見過佢一次，唔知佢會唔會來睇。」

　至於疑被Twins取代成連鎖快餐店代言人，Gigi表示︰「唔好咁講！大家有無聽到我唱《好想約你》？大家快樂就OK。合約未完，之後會有其他合作。」◇