袁偉豪Benjamin Yuen同Bowie Cheung張寶兒嘅寶貝仔「袁咕碌」喺上月十七號出世，唔經唔覺經已過咗十二朝，兩夫妻日前派薑醋同大家分享喜悅，順道公佈「袁咕碌」嘅中文名叫袁晞祐。

　袁偉豪雖然忙住拍攝劇集《法證先鋒六之倖存者的救贖》，但一有時間就會返香港湊B，日前佢上載B仔搞怪表情，話同爸爸神同步並留言:「每天只可以靠太太用視訊看看寶寶的日常，可愛的小孩子真的令我忍不住要拼一個圖，係！佢係我個仔，肯定的。」

　Bowie日前被野生補獲去為初生兒子申請回鄉證件，相信為方便抱B去深圳探老公班！袁偉豪亦好努力搵奶粉錢，一月同兩位好爸爸陳山聰同譚俊彥以「好男人」嘅名號去馬來西亞開演唱會。◇