為慶祝炎明熹（Gigi）出道兩年，其歌迷會將於9月16及17日舉行《Gigi炎明熹出道2周年慶祝活動慈善義賣嘉年華》，而Gigi早前與8位粉絲一起到餅房做月餅義賣，全數撥捐「沙律貓狗之家」，為流浪動物機構籌款。

　第一次做月餅，Gigi坦言有點戰戰兢兢，因要準確地預備每一種材料的份量。Gigi亦穿上歌迷會特別訂製給她的圍裙笑言︰「我好似大廚！」她參與了製作月餅的所有過程，包括搓餡、做皮、倒模、掃蛋醬、入焗爐。她說︰「我哋會義賣100盒月餅，每盒有4個，售價218元。月餅主打流心奶黃，仲會混合芝麻味同柚子味，我有試食，特別鍾意柚子味，粉絲仲好細心，設計咗幾款餅模，其中一個仲係歌迷會嘅Logo。」

　除了落手落腳做月餅，Gigi亦會現身嘉年華幫手義賣，「其實最辛苦係歌迷會，花咗好多時間搞今次活動，當日會有攤位遊戲，又有打卡佈置，仲有個2米高嘅Gi囡公仔畀fans影相，到時我會落去幫手，因為中秋節正日（9月29日）我應該要閉關準備演唱會，嗰日可以同fans提早慶祝中秋節。」◇