黑色喜劇電影《死屍死時四十四》，由天下一電影製作有限公司、852電影有限公司、Icon Group Limited、香港電影發展基金出品及Katch聯合出品，並由錢小蕙監製，憑《正義迴廊》奪得第41屆香港電影金像獎「新晉導演」及候選「最佳導演」的何爵天執導，應屆香港電影金像獎候選「最佳女主角」的毛舜筠、鄭中基、應屆香港電影金像獎候選「最佳新演員」呂爵安（Edan@Mirror）及柳應廷（Jer@Mirror）、黃又南、應屆香港電影金像獎候選「最佳女配角」余香凝（Jennifer）、兩位應屆香港電影金像獎候選「最佳男主角」的楊偉倫及麥沛東等聯合演出。

　《死屍死時四十四》於4月4日正式上映，在復活節假期檔獨佔鰲頭，成為復活節華語片票房冠軍，票房持續節節上升，截至28/4票房已順利衝破2000萬，暫列2023年港產片票房第二位，可喜可賀，團隊仍然繼續努力謝票及宣傳，不少影院在周末爆滿，受惠政府於4月29日舉辦「全港戲院日」，市民於各大戲院看電影只需要30元，戲票27日預售反熱烈，當天大部份戲院皆全院滿座，氣氛熱鬧，以《死屍死時四十四》絶佳口碑，相信會有更多觀眾入場笑餐飽。

　主演毛舜筠表示：「自從開關之後，票房要過2000萬已經會係一件極唔容易嘅事，希望大家繼續支持香港電影，繼續支持《死屍死時四十四》。」

　鄭中基分享說：「好多謝所有入場支持我哋嘅觀眾，好感恩衝到去2000票房，其實我同Edan拍戲嗰時發生咗件好好笑嘅事，好想同大家分享，到3000萬票房嗰時我哋就話畀大家知。」

　Edan說：「好多謝每一個入場支持嘅朋友，如果覺得好睇，希望你哋分享比身邊嘅朋友，亦都希望睇完之後都拎到啲嘢走，覺得開心、抒發、有共鳴，有啲道理拎到走，聽到Roanld講話到3000萬就有一件好笑嘅事同大家分享，都好想知係咩嚟，希望有機會聽到。」

　黃又南說：「其實我自己都好耐冇睇過一部笑得咁開心嘅戲，希望更多觀眾可以分享到呢份開心，快啲介紹畀多啲朋友，笑聲係無價嘅！」

　余香凝說：「好開心《死屍死時四十四》過咗2000萬，希望觀眾多啲入場，等我哋可以快啲衝上3000萬，呢部係大家睇完都好開心嘅電影，今日全港電影戲票$30，希望好多觀眾睇完之後推介畀朋友睇，之後再入場睇。」

　主創包括監製錢小蕙、導演何爵天、毛舜筠、鄭中基、黃又南、余香凝、呂爵安、楊偉倫、劉江、黃文慧、柳應廷及張滿源等，不時四出謝票與觀眾近距離接觸，不少觀眾得知《死屍死時四十四》是近年難得的黑色幽默喜劇，而並非驚慄恐怖、鬼怪劇情，相對提升觀眾入場意慾，入場觀眾有增無減。◇