【專訪】冬至遇上新冠肺炎疫情過渡期，酒樓食肆冷清。旅遊區旅客疏疏落落，零售業大受影響，惟藥房生意穩定人流旺。不少市民稱，不少親友都「陽咗」，今年簡單過冬至，最重要是大家身體健康。

　昨日是傳統節日冬至，俗語有話冬大過年，冬至團圓飯，更是傳統習俗，即使冬至正日要返工，都會在冬至前後食個冬至飯。

　不過，今年繼續疫情不似預期，冬至遇上疫情過渡期，不少市民都「陽咗」，一早訂枱的市民，因為家中有人「陽咗」，都要取銷訂枱，就算是酒樓食肆，亦有不少員工「陽咗」，而無法正常營運，只好暫停營業數天。今年冬至市面明顯冷清。

　有市民稱，近一個星期多以來，屋企人及親友先後多人「陽咗」，原本訂晒枱外出食飯做冬，結果都係取銷，由於家中有人「陽咗」，正進行家中隔離，心情多少都受到影響，所以都係簡簡單單就算。

　亦有市民稱，疫情關係，原本計劃叫外賣，打開個外賣平台，原來好多食肆都不接單。相信好多店舖的員工「陽咗」，無法開工有關，最後選擇買啲「燒味」、簡單煮兩個菜就算。

　有街市海鮮檔檔主稱，冬至生意麻麻哋，無咩人出街市買餸。亦有海鮮店舖反映，平日都有網購外送服務，昨日冬至訂單理想，但都一早截單，因為好多員工「陽咗」，無人送貨，「無計」。

　就近日有多間酒樓張貼通告指出，因有員工感染新冠陽性導致人手短缺需暫停營業。北區工商聯會會長黃健中表示，收到中小企反映基本上都有員工染疫，不少餐飲業轉以外賣為主，人手需求亦減少，而部份酒樓反映很多節假日訂枱已取銷，希望農曆新年前市況好轉。

　餐飲業聯合商會副理事長馮健富相信，聖誕節過後市況會逐步回覆正常，他又稱，市民因疫情緊張而減少外出用膳，雖然現時營業的食店有所減少，但可滿足居民需要。◇