【特訊】世盃C組搶分戰，墨西哥昨晨激鬥波蘭。今場焦點係墨西哥奧祖亞同波蘭「羅拔佬」羅拔利雲度斯基12碼對決，結果奧祖亞成功救出12碼，最終墨西哥０比０賽和波蘭，同組阿根廷跌落榜末。

　上半場波蘭攻勢甚少，只得一次射門，羅拔利雲度斯基缺乏供應，難以發揮，墨西哥世盃經驗豐富，憑控球及小組踢法取得優勢，其中阿歷西斯維加一次頭槌僅僅斜出，右閘佐治山齊士亦有一次射門，但過不到施捷斯尼十指關，半場踢成０比０。

　易邊後波蘭表現有起色，羅拔利雲度斯基引球入禁區，被赫達摩蘭奴拉衫犯規，球證翻看VAR判罰12碼，「羅拔佬」親自操刀卻被奧祖亞救出，墨西哥逃過一劫。最終雙方互無紀錄，踢成０比０平手。

　門將奧祖亞賽後聲稱，一個月前已同教練一起研究利雲的十二碼。

　墨西哥VS波蘭首發名單

　墨西哥：G.奧祖亞、施薩.蒙迪斯、佐治山齊士、赫達.摩蘭奴、捷西斯.加拿度、艾特臣.艾華里斯、路爾斯.查維斯、赫達.靴里拉、希榮.羅辛奴、亨利.馬田、艾尼斯圖.阿歷斯維加

　波蘭：施薩斯尼、馬迪.卡殊、巴圖斯.比利辛斯基、卡美.基歷克、積及.基維奧、尼古拉.薩利夫斯基、施巴斯坦.施曼斯基、積及.卡明斯基、格斯哥斯.基祖維克、皮奧特.施連斯基、羅拔.利雲度斯基。◇