黃子華，潘燦良主演的舞台劇《最後禮物》大前晚於演藝學院展開一連四十場演出，楊受成先伉儷，劉嘉玲、林嘉欣，余詩曼、蘇絲黃、金燕玲、蘇永康、蔡一智、徐濠縈、陳國邦、許靖韻等均有到場支持，星光熠熠。

　主辦單位英皇娛樂主席楊受成多謝台前幕後工作人員：「這個劇因為疫情延遲六個月，但做得非常好，聽監製Alex（馮貽柏）講，我地這次幾乎係零退票。」

　潘燦良台上話：「劇場需要觀眾，當延期時，我身邊朋友冇一個退飛，個個都同我講，死都揸住飛，等到我地演出個日。今日終於見到大家，真心好多謝各位同我地一齊堅持既觀眾。」黃子華笑道：「多謝楊受成先生先，各位真係唔係講笑，呢個騷停左六個月，要好有實力的人，先至可以係六個月後安排番做番咁多場。」

　黃子華演出過後，於後台跟少量來支持好友會面，個個都大讚佢係「神」演出，100分，好到不得了。講到每次演完，都見子華返入後台虛脫一樣，子華坦言的確係虛脫，「基本上做呢個戲，各位鐘意睇人疲倦係好抵睇，我試過綵排後開車回家，綵排地方同我屋企不過距離只需十分鐘車程，但我開左五分鐘車之後，係攰到係一條最繁忙街道上面泊停架車，休息一陣先再開返回家。」

　問到子華，咁攰咁，四十場點保養身體？「莊梅岩教我，每日只做一件事，只係做戲。我打算每晚八點開場，完場十一點幾番屋企，十二點訓到第日早上七點九囉！咁應該夠休息。然後咪返來開工。」

　講到子華話每次演出完好攰，潘燦良話，「真係每次做完都覺得好花化功夫化氣力，好勞氣。哈哈。我老婆已經搬定張按摩椅出廳比我，因為每晚我收工返去，都話好攰，佢咪搬定出來等我可以按摩紓緩下。不過同一個咁好團隊合作，同子華對戲，係一件好享受既事，再攰都開心。」◇