繼MIRROR和ERROR全員入圍美國網站TC Candler的「全球百大俊男二０二二」後，填詞人黃偉文（Wyman）亦榜上有名，惟「被」入圍的Wyman強調被提名都唔知發生咩事故在社交平台宣佈退選。他強調不如大家笑過就算，尊重吓他意願，讓他退選啦！唔該！

　Wyman留言︰「首先，成件事我並無『參賽』完全被動，被提名咗都唔知咩事。陪大家開個玩笑，被大家惡作劇一下，喺疫情中提供一點歡樂，我係ok嘅，但我係無份用任何方式『搞』自己入去呢個名單嘅，非我性格亦非我所求，唯獨呢件事一定要講清楚。」

　Wyman強調︰「真係唔使恭喜我啦喂，我貪呢啲嚟做乜啫。我好想知究竟呢個選舉係咪有一個人提名就得㗎啦？其實到最後入選呢個名單嘅人數會唔會有幾百萬個㗎？真正最想問係有冇得唔接受提名，要求有關方面將我除名㗎？等其他實至名歸嘅人去選啦﹗」

　根據TC Candler今年公佈的規則，除網民可透過官方YouTube頻道提名外，第二種方法是今年新增的「課金方案」，網民只要加入官方Patreon，每月付月費，其提名就能保證入圍，最平月費為港幣二十五元。如選擇最貴的港幣八十元月費，且連續訂閱六個月，更可參與最後名單的投票。◇