歌手陳明憙早前趁ksr 加拿大探親，但因疫情急速變化，令她一度滯留當地。Jocelyn爭分奪秒投身寫作行列，更向當地報刊《紐約時報》投稿而被選中刊登，成為第一個華人歌手亮相該專欄。Jocelyn對於文章被選中感驚喜，聲言向進軍「文壇」跨了一大部：「上次又係探親而滯留而考咗個音頻治療師牌照，今次都諗住要向寫文章呢個方向出發，文章都加插咗音頻治療嘅『吸引力法則』喺入面，所以就寫咗篇關於我同嫲嫲食榴槤嘅詩向她致敬，第一次投稿就會被選中刊登，證明音頻治療啲理論真係有用。」

　因為疫情影響航班班次，Jocelyn不得不「另覓出路」返港：「因為我要返香港錄歌，返唔到嚟真係好大件事，所以呢一刻我已經喺新加坡轉機返到嚟香港，再要隔離先可以開工。前後都差唔多半個月時間，不過我唔怕悶嘅，因為呢個空間令我可以靜落嚟，得閒寫下歌、又可以計劃下工作。」

　陳明憙就話以前冇諗過出書，今次文章被選中刊登實在難得，或考慮向公司提出將音樂、文字結合：「橫掂嚟緊都要隔離，不如寫個Proposal比公司睇下，因為文字、音樂都可以紓緩情緒，將音頻治療結合文字，可能更有功效。有啲Fans都話畀我知佢地病咗確診，希望佢地喺治療、隔離期間唔好太驚，我會Send啲音頻治療嘅音樂比佢地，希望佢地平靜咁渡過難關。」◇