「大馬女神」林宣妤（Serene）年初回馬來西亞參加姐姐的婚禮，因疫情關係滯留在老家一段長時間，上月中排除萬難成功回港，入住酒店進行十四日隔離，日前終於「出關」！

　Serene非常享受這十四天的隔離日子，每日都規劃自己要做的事情，過得十分充實，想做咩就做咩，畫畫，睇書，睇戲，做瑜伽，打座等等，覺得悶的時候就會打電話比屋企人傾偈。

　隔離中畫畫都佔上Serene不少時間，在馬來西亞時她上了一個為期三日的掃描課程，她趁機不停地練習，此外，Serene還自修英文，之前上過一些語言的課程，學習英文咬字發音，她重溫自己講英文的片段時，發現自己發音不算太準確，雖然音是讀得啱，但力求進步的Serene希望讀得更標準。

　Serene努力做運動，玩瑜伽，打座等等，每日都做不同類型的運動，Serene：「其實運動量都跟平日差不多，唯一是在酒店房內不能做太激烈的運動，始終沒有健身器材，只能做一些輕便運動，保持住一定運動量，令自己身體健康。」

　隔離中的她都有打遊戲機，愛上一個打鼓game，Serene：「我無打機十年，我本身係一個愛自我挑戰的人，鍾意一關一關咁去擊破，雖然我都好鍾意玩，不過，我唔會令自己上癮或者沉迷，只係當一個遊戲。」

　Serene覺得這十四天的隔離日子比想像中過得快，始終留在馬來西亞兩個月，習慣了慢活，回港後就要適應番香港的節奏，而出關後她最想去行山，近日天氣真係好好，不過，疫情關係下，除左工作外，Serene會留在家抗疫。◇