四十五歲久違了的陳彥行（行姐）日前穿著低胸裝為TVB節目《麻雀鬥室三決一》出任嘉賓，搶盡風頭，豈料原來兩母女捲入涉及三千萬元保單風波，疑誤墮銀行理財顧問陷阱。她接受《東張西望》訪問，喊爆公開疑似被騙事件說：「喺我有生之年，都會討返呢個公道。」

　行姐指任職銀行的理財主管佘先生獲七十五歲陳媽媽信任後，每星期有三、四日會上她媽媽屋企食飯，有時仲會帶埋太太。直至同年七月佘先生主動提議為媽媽進行投資計劃，但由於媽媽年齡限制，要與屋企人開聯名戶口投資，結果令行姐捲入事件，行姐不滿說：「我初時不以為意，我以為佢（佘先生）同我媽媽傾好晒細節、內容，我只係掛個名喺戶口度，之後陸續收到莫名其妙嘅保險公司信件，連媽咪都唔知係乜嘢內容，而佘先生話唔使理會，文件交由佢處理，叫我落去簽個名就得。」行姐形容佘先生處理文件時粗疏，著她在「呢度呢度」簽名就得，又會飛晒啲頁數，又沒有提及乜文件。節目中，行姐表示與媽媽財政獨立，未過問媽媽的戶口財政狀況。

　直至去年五月二十七日，行姐收到佘先生離職通知才揭發事件，行姐說：「我媽媽差啲暈低，見到個戶口啲錢差啲蒸發晒，唔知發生乜事。」及後，佘先生曾上行姐媽媽屋企道歉，行姐亦展示佘先生道歉錄音：「可能我做得唔好，冇每月計正負數，約得幾位傾都係想表達返，我唔係就咁走咗去。」錄音中有親戚反問佘先生：「每張一百萬，有五張（保單），仲要供三年，咁係咪仲要一千五百萬？」佘先生道歉其後稱：「我知道陳太其實對我好好，我都想幫你哋完成申索，但都係同大家講多次對唔住，我都知呢樣嘢好煩，真係對唔住。」

　行姐最終要自己向保險公司查詢，結果收到六份財務分析表，得知有五份已失效，行姐控訴：「佢製造假像，以為我係千萬富翁。」◇