【特訊】周四凌晨英聯盃第三圈賽事，車路士同熱刺兩支倫敦勁旅，都要踢到互射十二碼方贏波晉級，不過兩隊前鋒添姆華拿同哈利卡尼都有入波。

　車路士主場對阿士東維拉一如所料進行輪換，德國前鋒添姆華拿擔正，他五十四分鐘接應列斯占士傳中頂入，但十分鐘後被甘馬倫艾查頂入一比一平手。互射十二碼階段，維拉有艾殊利楊格同納卡巴宴客，車路士只有薛維爾不入，十二碼贏四比三晉級。

　熱刺作客狼隊一仗，熱刺今場排出最強陣容，尼當比利同哈利卡尼早段各入一球為熱刺領先二比０，但狼隊之後大反擊，完半場前由丹當斯卡追回一球，下半場再由普丹斯建功追平二比二。互射十二碼狼隊有魯賓尼維斯、丹當斯卡同高亞迪連續宴客，熱刺十二碼贏三比二晉級。

　英聯盃第三圈，曼聯四日內第二度大戰韋斯咸，兩隊今場都幾乎派出全後備陣容出戰，不過「紅魔鬼」，全場二十七次攻門都換不到一個入波，最終主場以０比一飲恨。

　在曼聯用馬迪爾、積頓辛祖同連加特組成「三叉戟」。比賽早段韋斯咸反客為主，九分鐘就由蘭仙尼接應賴恩費特歷斯底線傳中打開紀錄。

　下半場曼聯先後換入格連活特同般奴費南迪斯望收復失地，全場二十七次攻門只有六次命中目標，最終以０比一輸波出局。

　●英聯盃第四圈抽籤

　車路士Vs修咸頓

　阿仙奴Vs列斯聯

　韋斯咸Vs曼城

　般尼Vs熱刺

　昆士柏流浪Vs新特蘭

　普雷斯頓Vs利物浦

　李斯特城Vs白禮頓

　史篤城Vs賓福特

　（前者主場）◇