「失戀真係可以減肥？」相信有大部份女性都有失戀之後，體重急速下降的經驗，亦有姊妹們失戀後選擇自暴自棄，放任飲食，吃喝玩樂，最後落得變成了一個肥妹仔的下場。

　觀眾所認識的簡思恩（Melody Kan），大多是因為《理想國》、網劇《異數者》或是大大小小的廣告，幕前的Melody擁有三十二、二十三、三十三的FIT爆身材，更擁有人人羨慕的四舊腹肌、人魚線，但是她跟大多數姊妹們都經歷過人生低ndash；失戀後暴飲暴食變成一個肥妹。簡思恩：「兩年前我同前度男朋友分咗手，失戀後直插跌入人生低谷。我放縱自己，餐餐漢堡飽，可樂，之後體重就梗係直線上升，體脂最高峰去到百分之二十五，體重五十四點五公斤，但係你要知道，我只係得一百六十二cm高。」

　簡思恩：「直到二０二０年四月二十六日，我清楚記得呢一日，我喺一間COFFEE SHOP嘆緊嗰個加大碼芝士牛肉漢堡飽嗰一個MOMENT，我望住自己腰間嗰幾層車軚，腦裡面先有一把聲同自己講：『你唔可以咁樣落去㗎啦！』」隨後她就下定決心修身，踏上運動營養之路。

　簡思恩（Melody Kan）修身一年後，成效漸漸顯著，但當時她又遇到了另一問題—面對餐餐的水煮雞胸餐慢慢厭惡，但又因要堅持修身減重而苦無對策。簡思恩：「我覺得食物一定要色香味俱全先會有滿足感，冇滿足感食完一定會肚餓，即係會喺『冇滿足感，食，體重增加，再食減食餐』循環無限LOOP！救命！」所以她才因此而著手研究健康，有營養同時美味的食譜。

　及後又因為有朋友親身嘗試過美食後，才在他們的建議及鼓勵下，她才出書，寫出了《You can be Beautiful原來你可以很美》。「起初只是打算整理一本食譜相集，你懂的，就係嗰種好多Ｊ圖，同時有食譜相集嗰啲，但係寫吓寫吓，就愈寫愈多營養和運動的理論，又因為想驗證吓自己研究嘅資料，又去咗讀營養學，跟住就寫咗一本糅合個人經歷、營養學知識、修身運動、減肥（又好食）食譜，仲有少少Ｊ圖嘅書。五合一都只係賣二百二十八元，網購仲平賣一百九十八元，現場買仲可以簽名！哈哈哈，係咪好抵呢？」

　今次出版《You can be Beautiful原來你可以很美》可能是純屬多個巧合，一句說話「妳直頭出本書啦」，再拼湊在一起而成的結果，但並不代表撰寫書本的簡思恩會是是但但，求求其其，反而她是落足心機，毫無保留地分享寫出自己的精心研究的健康食譜，色香味俱全之餘更包含如墨西哥、意大利、秘魯、泰國、日本等多國菜式。深入淺出探討大量以至微量營養素，運動與身體能源系統，亦分享了很多自己在減重增肌路上的心路歷程，希望讀者能少走冤枉路，幫助讀者找到屬於自己且能持之以恆的健康生活方式。書中也圖文並茂，穿插了大量食譜相片及個人運動和健康生活相集，更隨書附上二十條運動及食譜教學短片。

　簡思恩：「從一開始嘅：「我只係想減肥，到後來愛上健身、泰拳、瑜伽，仲要考埋泰拳教練牌以及研究營養食譜，真係變化好大。與其講『決心減肥』，我認為『畀自己一個重新開始嘅機會』更為貼切。」◇