江欣燕（欣欣）作客黎芷珊主持的TVB訪談節目《單對單》日前播出，與前夫吳積遜拍拖十年、結婚十二年才選擇分開的欣欣，坦言是自己主動提出離婚：「我哋二０一三年七月分開，可能因為人大個咗，開始認識自己，先發覺我哋內心好大距離。我好多謝佢陪咗我廿幾年，令我眼界闊咗好多，係我決定唔一齊。同佢一齊好似好開心，但唔係我本質。」她又直認對前夫留有少許遺憾：「係我提出話行開，佢當日係冇反應，佢睇緊波。咁我就話我行動了，佢喲完就繼續睇波。我等佢睇完再解釋番，其實好多嘢唔使多講。」

　欣欣直指覺得婚姻是一種綑綁，大家應先想清楚自己需要怎樣的另一半：「我經歷好多嘢之後，我會好小心選擇另一半，唔會再係憑感覺，真係要好了解自己需要啲咩，因為對方係你嘅一面鏡。我估我將來嘅會係Partner，唔會係老公。」欣欣又透露從前的自己只愛談笑不愛談心，但現在已有所轉變：「我發覺飲酒可以幫我拆咗自己度牆，我唔信任人嘅牆，以前我唔會無啦啦搵人分享心事；而家係連唔識嘅人，我都願意交心。」

　喜歡笑看人生的欣欣，在節目中帶芷珊一起買完花再買餸，更親自下廚炒生酮版韓式炒粉絲及落重料煲靚湯，招呼芷珊與江媽媽同枱吃飯，江媽媽更開腔勸愛女「飲少啲酒」，場面既歡樂又溫馨。◇