吳若希（Jinny）因為上月底她一家大小去農莊遊玩，農莊將吳若希當日遊玩獨照放上Facebook並發文感謝她到訪，卻被Jinny留言表示照片未經公開授權公開，並提醒對方「請盡快移除」。事件在網上繼續發酵，網民狂轟她「好大官威」，Jinny與網民掀起罵戰來。然而一波未平，一波又起，前晚Jinny在社交網分享YouTube自家節目和老公Alex挑戰煮辣雞料理，網民不停留言寸爆她，表示未經公開授權支持她、影片未授權公開等。

　期間有網民突然在Jinny的facebook留言，聲稱和她見過面，寫道：「咖喱！好耐之前聲雅廊，你坐過我，以前你啲枚好屎啦，不過飲酒就唔賴皮都算幾好玩，幾時有機會再同你劈過。」

　Jinny見狀立即反擊留言：「唔識你？你邊位？」網民即回應：「你見到我就知道！之前成日落去搵你玩。」吳若希着對方出來當面對質：「我聽日返TVB，大概中午十二點收，聽日見，PM我，你電話，你出咗嚟先啦、我PM咗你，叫你留電話，我聽日開完姊妹淘就搵你，如果你想參觀埋電視城，畀埋你身份證同全名我，我幫你報上去公司。」

　該網民留言：「我唔想參觀電視台！畀個貼士你，我以前成日串你個名咖喱雞，之後就鬧我隊我飲，咁樣你記得啩。依家你巴閉啦！大明星仲識得我咩？電話又改埋，依家你連你契爺都少搵啦！」Jinny不忿留言：「邊個我契爺？我最近窮，你幫我搵返個契爺出嚟啦！得啦！見咗面先啦！唔見點知識唔識你。」◇