今屆奧斯卡金像獎於爭議聲中完結，創下收視新低點之外，就連圈內人如荷里活動作巨星阿諾舒華辛力加（Arnold Schwarzenegger）日前於清談節目受訪時忍唔住批評！

　阿諾批評今屆奧斯卡太悶令他睇到中段都唔再睇落去，他說：「我熄機唔再睇，我唔可以再睇落去，因為台上有太多具才華嘅人而竟然可以搞到個節目咁悶。點可以咁？」而他亦搞笑提前下屆可以移師去有健身勝地之稱的「肌肉海灘」聖莫尼卡海灘舉行。

　除了批評今屆奧斯卡之外，曾是加州州長的阿諾亦表示睇好上周宣佈競逐下屆加州州長的誇性別明星Caitlyn Jenner當選，並乘機暗踩現任州長紐瑟姆（Gavin Newsom）辦事不力！他說：「任何人都有機會，因為我認為係啲人對加州發生緊嘅嘢不滿。而我希望盡可能多啲人去參選州長。」據知Caitlyn宣佈參選前有與同屬共和黨的阿諾交談過希望對方可以畀意見她。而阿諾亦鼓勵她參選並認為她最終會贏。◇