無綫《東張西望》主持林溥來（Patrick Sir）與太太關宛珊（Kimmy）的B仔林若嘉（Preemo）己在本月十三日出世，Patrick Sir昨日於社交平台報喜，並上載一家三口溫馨合照和餵BB食奶照分享喜悅。

　Patrick Sir留言：「Hello，my dear world！我叫林若嘉，英文名Preemo，好高興可以喺二０二一年四月十三日平安健康咁嚟到呢個世界，同我嘅爹哋媽咪，仲有各位見面！我一出世體重有七磅幾，身長50cm，喊咗幾聲之後，就可以即刻打開雙眼，仲見到爹哋媽咪兩個都眼濕濕咁望住我同叫我個名添。哈哈，我仲聽到幫我出世嘅醫生同各位助產士都話，我個頭好大同埋有好多頭髮，仲話我好大嚿添。By the way，大家鍾唔鍾意我嘅洋蔥頭髮型呢？講個秘密大家知，我仲聽到爹哋嘅心聲添。」

　佢話：「感恩天主賞賜一份完美嘅禮物畀我同Kimmy，我哋會好好愛護佢教導佢，令佢快樂成長，培育佢成為一位有愛心、有責任感、有能力嘅人，長大後好好咁貢獻社會，為世界帶嚟正面嘅改變。老婆，好多謝你，多謝你咁多個月嚟陀住BB仔嘅付出！陪住你生嘅時候，拖住你隻手，頭貼頭，嗰一刻覺得你好靚好偉大，你樂天正面嘅態度令我個心好溫暖。雖然我哋已經做父母，但係喺我心目中，你永遠都係我可愛嘅女朋友仔，對你嘅愛唔會有一絲減退。Will love you and Preemo forever！」◇