菊梓喬Hana早前為《愛美麗狂想曲》主題曲《愛很美麗》拍攝MV，Hana今次為新歌拍攝上山下海，一早到石澳攀山落石灘取景，導演希望有一種浩瀚澎湃的感覺，Hana：「去石灘條路係有啲難行，自己又着住條裙，唔係太方便，不過到達現場見到個大環境，就覺得一切都好值得，天氣好好加埋啲海浪，成個感覺好靚。」

　MV入面有一段絲帶舞的表演，Hana一直好喜歡絲帶舞的美態，本來是希望在之前的演唱會上表演。覺得好適合今次的MV，跟導演商量之後，就構思了今次的拍攝。Hana：「確定咗要拍攝之後，我就努力再去補堂，未試過喺其他人面前跳，其實都幾緊張，感謝老師特別到現場教導，今次未係最理想，不過可以靠鏡頭遷就拍攝，最重要係放鬆有笑容，跳出一種美麗夢幻嘅感覺，其實好好玩，自己都好開心，最緊要大家鍾意。」◇