Edmond謂做歌手來講，遊戲節目玩得多，變身網上直播唱歌又賣貨都係第一次，最初公司叫他參予時，也有壓力，怕自己不及網紅吸引觀眾，又不懂如何推銷貨品，「好彩有VS Media的二位主播一齊做，聽講個晚觀看人數超過一百萬，又話成交額成千萬，咁我都安樂滴。（成交千萬你分幾多？」分幾多？乜有得分咩？我冇呀...問下公司先......（人地網紅賣支唇膏賺一億）唔係掛，我都想賺一億呀！哈哈！」

　昨晚，Edmond又飛去了貴州演出，他在IG上自爆瘀事，「今日去咗貴州演出，乜都記得帶，就係唔記得帶底褲，於是助手幫我落去便利店諗住買「紙底褲」頂住先...

　助手：伯伯，請問有冇「紙底褲」？

　伯伯：「紙底褲」咩嚟㗎未聽喎！

　係咪男人著喺入面嗰啲衛生嗰啲呀？

　助手：唔係呀！「紙底褲」喎！

　伯伯：哦！紫色嘅底褲

　最後我助手買咗條正常底褲上嚟，宇宙最強甄子丹賣廣告嗰隻比我，紫色嘅

　PS：唔好話俾人聽我聽日着住嗰條底褲係紫色嘅！完。」

　問到Edmond，點解會乜都記得帶，剩係唔記得咁重要的貼身物品？難道他平日有「真空」習慣？Edmond大笑道，「唔係呀...我都唔知自己點解咁低能，哈哈哈，天氣冬要執好多唔同衫去表演，又趕喎，又冇老婆係身邊提我.....帶漏係正常。」

　為了工作，Edmond已經離家兩個月，他坦言十分掛念家人，得知香港疫情又再嚴重，經常都有電話facetime跟家人及老婆聯絡，叫他們盡量不要外出，小心保重身體。◇