關心妍成就解鎖與My Melody聯乘 4歲囡囡首開Online Show吸萬人觀看

 關心妍Jade成立六年的「妍亮生命慈善基金」,一直致力幫助情緒問題的兒童;Jade開設的兒童音樂學院同時亦為基金籌款,幫助一些低收入的家庭。

 因為疫情關係,今年Jade把籌款活動移師到網上舉行,更得到她多年的「偶像」My Melody支持和合作推出親子產品,Jade直言是成就大解鎖,她說:「今年基金以《兒童感恩文化》做主題,適逢係My Melody 45周年,我細細個已經係fans,好榮幸同佢合作,推出呢份聯乘聖誕禮物!籌得嘅款項會為受情緒困擾嘅低收入家庭、基層家庭嘅小朋友籌款,希望佢地可以接受音樂治療。

 禮物入面有2個親子裝環保袋,一個袋就係媽媽、細嘅就可以比小朋友孭住,親子裝咁同My Melody出街!」

 禮物入面仲會有一張由Jade、兒歌歌手嘉芙姐姐和一班學生錄製的《兒童感恩文化》唱片。日前Jade和囡囡楊榮心舉行一場Online Show,由4歲的心心唱出新碟兒歌,吸引過萬人觀看,心心更換了三套歌衫出場,可愛的心心,不時問媽咪她的同學仔有沒有在線收看,Jade說:「今年開了很多live,有時都會在屋企開live,心心見慣媽咪唱歌,估唔到她都沒有怯場,心心睇過我一次演唱會,知道表演要扮靚啲,又識得自己揀衫,叻女!」◇