江嘉敏、黃嘉樂及林秀怡以醫生造型出席明珠台《好醫生》第三季記者會，江嘉敏更被黃嘉樂笑指無腦。江嘉敏表示，與嘉樂已三次合作，大家已好熟絡，否則會打他。問到她的底線？她自言都算是玩得之人，只要不能涉及身邊人，好似家人或朋友便可。

　首次穿上醫生袍的嘉敏直言很想醫生，她說：「我未演過醫生，好想演醫生角色，但可能本身入行年資淺，多數演妹妹、學生及女友角色，從小到大夢想就係做醫生，無奈成績唔允許我驚死人。」

　嘉敏自爆近日正忙於拍《七公主》，因檔期問題以致要辭演《金宵大廈２》。她說：「我睇過《金２》劇本角色好有發揮，拍唔到好失望。」

　嘉樂曾在《白色強人》中飾演醫生，對於會否有份參與續集拍攝暫時仍未知。他表示，近日都忙於拍另一套劇《我家無難事》，因為撞了期，未知可唔可以拍到其他劇。

　在《我》劇中他與楊明更不乏對手戲，兩人更有疑似「hehe」關係，嘉樂表示，昨早才與楊明同場。問到他楊明的狀態如何？嘉樂說：「他都幾精靈，拍了一場在街同他分手戲。（楊明有無揸車返工？）我唔見他揸車，因我遲過他走。（會唔會載他一程？）之後有需要都會車埋他，不過他都有個『寶貝』（莊思明）車他啦！」問到莊思明可有探班？嘉樂表示，未見思明出現，不過他笑說：「我都會同莊思明講聲，我會同楊明有一場錫錫戲。（驚唔驚到莊思明呷醋？）我怕自己女友呷醋多些，思明好大方。（傳她去監男友場？）別人亂講啫！」

　林秀怡表示，已有一段時間沒有返將軍澳電視城，她上個禮拜都忙自己的美容店開張，加上都沒人搵她工作。問到可想拍劇？她說：「等公司安排，任何角色我都會好努力做的。（想做醫生角色？）梗係想喇！我都做了十幾年護士，一直都無得升職，都想講吓這些專有名詞。」◇