近年致力於舞台劇的前亞姐三小花鄭伊娜（Ena），早前與身兼培訓導師及唱作人的潘敬祖（Felix）於沖繩結婚，並在香港迪士尼酒店補擺喜酒，同時發佈二人共同唱作的結婚主題曲《幸福堡壘》，譜出了二人的愛情故事，成為演藝圈中的一對。

　Ena與Felix今年成功做人計劃，Ena日前更公佈懷有小公主將於本月尾出世。她原本計劃三十四周輕鬆拍攝孕婦寫真，怎料上月醫生告知有早產危機，更下了「生B禁足令」：「行行企企不宜超過十分鐘，飯都唔好煮！將你啲Baby Shower、訪問、拍攝、聚會全取銷！留喺屋企瞓床休息。」而Felix就話BB健康最重要，安慰失望嘅老婆乖乖地聽醫生話，網上媽媽頻道製作都暫停一下，他會努力賺錢照顧老婆同BB，叫Ena安心養胎，唔好操勞。Ena只好天天休息躺著在她的IG分享《伊娜孕記》網民大贊是最美的孕媽咪。

　踏入九個月，醫生話安全啦！Ena立刻通知攝影團隊重啟孕婦寫真計劃，終在一周前完成拍攝心願，留下孕媽媽最美的時刻。Ena表示很感動：「依家終於唔使擔心，仲影咗一輯咁靚嘅孕婦寫真！無論場景、妝容、服裝、唯美的拍攝手法都是我想要的！整個過程老公都在旁細心照料顧我！好幸福！好開心！」◇