《二０二０香港小姐競選》將於本周日晚舉行決賽，大會日前安排十二位佳麗以泳裝亮相，並選出十強佳麗，結果羅雪妍及源菲然齊齊被淘汰出局，成功晉級十強佳麗包括：（一）陳煦凝、（二）陳楨怡、（三）何孟珊、（四）郭柏妍、（五）鄭美璇、（六）廖慧儀、（七）麥詩晴、（八）謝嘉怡、（九）謝恩靈及（十）黃婉恩，她們更即場接受口才考驗。

　左邊腰間位置有紋身的（六）廖慧儀（Jessica）昨日穿上泳衣出場時，該紋身用了遮瑕膏遮蓋。問到是否大會安排？Jessica說：「係大會安排。（擔心決賽當晚紋身位置有印？）可能今次隻色淺色咗有啲明顯，決賽當晚應該會遮得好啲。（可會擔心對參選有影響？）我覺得唔會有影響，紋身呢啲係好私人，係自己嘅選擇，而香港小姐係睇內在美同外在美，唔會重視有冇紋身或者身上有無疤痕。」

　　（二）陳楨怡和海外佳麗（八）謝嘉怡穿上泳衣亮相身材明顯較突出，陳楨怡更獲多位佳麗稱讚身材均稱。她謙稱：「個個身材都好，有線條美，各有各好，最重要係笑容發自內心。（被眾人睇好有壓力？）無壓力，參選以來都係平常心面對，身材唔代表一切，我比較鍾意廖慧儀條腰同腹肌。」謝嘉怡承認，晉身決賽有少許緊張，但每次踏出舞台感覺就會好些，目前正積極練習廣東話。

　（四）郭柏妍和（七）麥詩晴的身材在佳麗當中稍欠睇頭，郭柏妍表示，穿泳衣有點緊張，但不認為身材輸蝕。她說：「唔同人有唔同體態美，我自覺身材勻稱，健康最緊要。」麥詩晴自言，第一次公開着泳衣，之前有做運動操弗身形，飲食方面亦清淡些。問她可覺得太瘦？她笑說：「我比較喜歡有腹肌，決賽夜衣環節會展現個人魅力。」

　被淘汰出局的羅雪妍及源菲然，未有表現得太失落。羅雪妍覺得，各佳麗各方面都表現出色，自己輸在進步幅度不及其他佳麗大。出席記者會前已想定若然落選就大吃一頓，她笑說：「我約咗源菲然食芋泥，因為參選期間要減肥食得好寡。」◇