J2音樂訪談節目《我們的音樂時代》，主持許文軒（Edmond）邀請Judas羅凱鈴擔任嘉賓，大談Busking文化，以及由街頭歌手變成真正歌手感受。Judas說：「細細個自己的確有想成為歌手嘅目標，但之後唔敢諗，怕畀人話發明星夢，慢慢連自己都唔記得咗自己想做一位歌手，直至開始Busking。」

　談到Busking經歷，Judas說：「第一次Busking冇人陪自己㗎，係天水圍嘅一條隧道，其實嗰到嘅地面有好多人Busking，但我唔敢喺地面唱，因為好驚好怯，最後喺隧道唱咗三四首就走，有一位觀眾畀咗啲意見，話我唔夠自問信，目光好浮，仲叫我上地面唱。」她又說：「我覺得Busking最吸引到我嘅係舞台好自由，鍾意喺邊到唱都得，揀歌又好自由，唱幾耐都係我自己揀。」

　問到今時今日再做Busking，跟之前有甚麼不同時，她說：「以前係一位Busker，而家係一位歌手，但我仍然都係一位Busker。我諗最唔同係而家可以唱自己歌，以為唔敢唱自己作嘅歌，因為而家自己嘅歌有派台，會變得有信心。」◇