藝人鄺芷凡（Omi）相約香港開電視主播馬梓軒，重返成長地何文田懷緬一番，Omi又回到昔日經常光顧的小食店品嘗熱狗，令她回味無窮：「呢件肉醬熱狗，同以前食嘅味道一樣！我以前係個肥妹仔，食好多嘢，不過都係唔好提我嘅『黑歷史』啦！哈哈！」

　談及小時候的性格，Omi坦言自己屬內斂型：「細個嘅時候，心裡面會蹦蹦跳，但始終比較內斂，不過好開心細個可以喺一個冇壓力嘅家庭下成長！以前屋企人逢星期六、日一定會帶我同家姐出去玩，唔會淨係讀書，所以好多細個影嘅相，都喺遊樂場度影！」

　Omi於二０一三年透過參選國際旅遊小姐入行，重提當年參選，她依然記憶猶新：「個陣我十七、十八歲，當時係朋友鼓勵我選美，最初我一口拒絕！但之後又諗到難得有機會，同埋始終女仔貪靚，都會有個選美夢，所以就抱住試吓嘅心態參與下！最後得到香港賽區冠軍、最上鏡小姐同網上公眾投票人氣大獎，真係令我受寵若驚！」◇