YAHOO星級訪談節目《星Woo大戰》每集嘉賓都極具分量，今個星期登場的是剛升任做新手爸爸的周柏豪，他與Yahwoo對談期間，罕有地談及與太太朱敏君（Stephanie）的愛情浪漫史。

　眾所周知，周柏豪與太太Stephanie拍拖十年才結婚，在去年十二月，Stephanie更為柏豪誕下小千金Sonya，組成幸福美滿家庭，不過柏豪坦言最想生三個小孩，他說：「我想好似我嗲哋媽咪咁，有三個小朋友，但而家見到個世界咁樣，就要重新再諗下，但最緊要睇緣份同時間。」回顧二人愛情路上的點滴，柏豪指太太鍾意他幽默善良又顧家，至於被問到歷年來送過給太太的禮物當中，哪份是太太最喜歡的，柏豪即自豪地說：「婚姻。其實同佢十年嘅時間，大家對於婚姻呢件事都已經好有共識，同埋佢好清楚知道我嘅工作性質，工作上有啲乜嘢需要避忌，所以都心裡有數，但我都做出呢樣嘢（結婚），唔係淨係佢開心，我都開心佢嫁畀我，因為佢唔一定係要嫁畀我。」柏豪又指，當日創作《我的宣言》一曲時，Demo的副歌歌詞第一句是填上「嫁給我好嗎？」不過柏豪指自己太太是白羊座，每次送上禮物及驚喜時，對方總是很內斂，感情不外露。

　除了談及感情世界外，柏豪亦於《星Woo大戰》中回顧了他的事業生涯，原來在入行前，柏豪曾當part time救生員及模特兒，其中做救生員時，最驚險的竟是考首個拯溺銅章時，因為他耳仔不適合潛水，但考試卻要潛入水裡，結果在考試時柏豪曾一度落不到水底，但幸好在用盡最後一口氣時他終於成功，考試才合格。至於擔任模特兒時，柏豪的首個廣告是為鑽石品牌拍攝月曆，雖然只有五百元但他笑言已很不錯，節目中柏豪更即場示範性感與感性的甫士，叫Yahwoo都看得面紅耳熱。◇