抗疫期間要留喺屋企避炎，日日困住悶到爆炸，唔少人都選擇行山吸吓新鮮空氣，去旅行鬆一鬆呢啲情況唔再出現，因為去到目的地要隔離十四日，返到香港又要隔離，一來一回冇咗成個月，真係冇乜人願！呢日藝人劉思希喺社交網上載咗張沙灘相，話自己去咗「馬爾代夫」大讚當地水清沙幼，仲計劃下周去「夏威夷」，唔通佢唔怕隔離？

　啲相見到個沙灘冇乜人，周圍嘅風景又夠靚，不過睇真啲好似係香港嚟喎！劉思希留：「今天去了『馬爾代夫』，水清沙幼，唔錯，下周計劃去「夏威夷」～其實我前年在意大利Cinque terre五漁村的風景真的同西貢差不多，所以大家疫情期間不用緬懷過去～心中在旅行，天天都在旅行～」唔少網民都讚佢嘅心態夠晒正能量，只要覺得自己去緊旅行，就算喺香港一樣可以玩得好開心。◇