寰亞唱作歌手黎曉陽（Michael）除了擅長寫歌之外，在推動愛護環境方面也有不少新想法，藉著新唱片《Before I forget》推出，他也借此機會動員唱片公司同事、唱片的美術設計、形象指導一起，和他共同參與一件他一直想做的事。

　Michael開心地解釋說：「我想喺新唱片的封套內暗藏毋忘我種籽，俾大自然的生命隨著我嘅音樂傳播到歌迷手裡，然後由大家栽種屬於自己嘅生命。我覺得成件事好浪漫，寫上碟名呢張紙，入面藏有毋忘我種籽，呼應返唱片名《Before I forget》，大家買張唱片，返到屋企重可以將呢張紙放入泥裡面種，咁大家若果真係種到花出嚟，記得影相寄俾我睇。因為每一張封面都係人手搣嘅，所以每一張都唔同，搣得差果啲應該係我搣嘅，因為我手工比較差。」

　Michael說罷，身邊的女同事們即開解他說：「因為女仔手藝一般都比較好，所以俗語只有工廠妹，幾時有工廠仔呀。」說罷一眾同事更一起歡呼「工廠妹萬歲」，雖然陳寶珠這首經典歌《工廠妹萬歲》面世時，Michael和現場同事均未出生，但在社交媒體幫助下，大家很快便搜尋出原曲MV，立時播出為現場打氣，Michael面對此情此景不禁感動地說：「平時歌手出碟一定冇咁多功夫，所以都好認真咁感激咁多位同事，一齊用半日時間嚟參與製作，真係十分感激！」

　除了感謝同事出汗出力幫助之外，Michael也不忘感謝公司大力支持他出國拍攝唱片封套，他說：「今次唱片內頁全部照片，都喺柬埔寨暹粒拍攝，佢嘅近郊就係吳哥窟。起初我哋連個名都未識講，只係見到景靚飛機票又平，所以就去啦。唱片入面收錄嘅係我呢兩年嘅創作，而所有照片就係紀錄咗我喺呢個咁靚嘅地方見到嘅一切。」

　而在包裝工作快要結束之際，商台叱咤903 DJ Colin（麥濠麟）突襲現場並奉上生日蛋糕，祝福他唱片大賣，令Michael喜出望外之餘更有點點感動。◇