梁凱寧（Maggie）日前為「香港開電視」時事節目《開嚟見我》內的《凱寧教室—「通識篇」》進行錄影，由新聞主播轉型做主持半年，Maggie和到場探班的《娛樂頭條E-News Headline》主持植詠珊坦言自己邊學邊做已逐漸適應新工作。

　Maggie笑道：「以前做港聞記者要出街採訪，後來做主播就坐定定報新聞，依家做主持，訪問嘉賓之餘，仲要接其他主持爆肚的時政話題，真係好大挑戰！」主持時事節目還需要大量資料搜集，Maggie在這方面都下了不少功夫。

　她承認說：「而家因為疫情，停課不停學，我主持《凱寧教室—「通識篇」》會探討好多醫療、科技、環保、動物等等範疇，希望能使在家的小朋友同父母知道多啲相關知識。例如我會搵兒童心理學家幫家長解答佢地唔識應付的小朋友問題；又會搵書法家講正字，例如腳瓜囊，原來係咁寫。」

　Maggie為做資料搜集，不時在社交網上集思廣益，因而吸引不少粉絲，她不諱言早前因在網上自爆只餘半盒口罩，竟有男粉絲專程從英國寄她大量口罩、搓手液，還奉上一盒心型朱古力，Maggie笑道：「不過佢寄到來時我已有足夠口罩，所以已將佢的心意轉贈有需要的老人家！」

　另外有網民稱呼Maggie為「港版孫藝珍」，她聞言笑不攏嘴說：「哈哈，我覺得唔似囉！我無睇韓劇的習慣，不過都知孫藝珍係靚女，所以多謝網民，我當係一種讚美！」◇