被譽為「治癒系歌手」的鄧小巧，自從她在個人演唱會《My Healing Live》海報上輕輕一露（背），已在粉絲群中惹來一陣小哄動，造型師有見及此，在拍攝演唱會前推出的五首歌EP《obsessions 》（十一月二十九日已上市）封面照時，特別為小巧設計了一個她前所未見的「真女人」造型，而新造型更將小巧一直不為人知的小秘密公開。

　對於歌迷上次「小露」有如斯熱烈反應，小巧也大為欣慰，她說：「非常感謝大家的支持。造型師話我今次會前所未有咁女人，除咗衫有少少性感之外，我頭上嘅鬈髪，亦都真係咁大個女都未試過咁女人。不過其實，我本身係鬈毛嘅，而我小學嗰陣嘅花名，就係叫做『鬈毛』！型唔型？」

　小巧話今次演唱會和EP的概念，均是希望回歸基本，用最簡單的心情來面對充滿壓力的生活，並且給大家看到自己這四年來在音樂上的變化，呈現給觀眾。

　對於今次封面場景上的一塊塊不同顏色的布料，小巧解釋說：「今次背景上唔同顏色，代表住唔同嘅情緒，眼見大家都充滿壓力、情緒，感覺大家都需要一啲力量同希望，所以就想今次演唱會可以帶俾大家舒服嘅感覺，希望大家睇完可以攞到一啲力量，從中放下一啲情緒。」◇