草蜢成軍三十四年最近首次合體賺奶粉錢，難道預告有「小草蜢」誕生？！三子哈哈大笑否認，其實他們穿上西裝在代表草蜢「活力鐵三角」的三角形舞台上跳舞，以強勁舞蹈和弗爆的body為「安怡奶粉」拍廣告。

　蘇志威（蘇老闆）、蔡一智和蔡一傑雖然平均年齡五十三歲，但體能贏過很多年輕人，除了勤力練「舞」，他們還非常注重養生，識飲識食的蘇老闆說：「飲食質素好重要，呢啲叫做補養得宜！」熱愛運動的傑仔表示認同，說：「平時我哋游水、打波、跑步、行山……咩運動都做，要好好保養肌肉，骨骼和關節。」精明的阿智說：「我哋一直都有飲好多奶去補鈣，而家有奶粉就方便好多，可以帶埋去做世界巡迴演唱會，咁我哋真係有排跳！」

　果然，草蜢的確停不了，單是這個十一月「１７３８５世界巡迴演唱會」就要跑三場，從熱辣辣的馬來西亞雲頂唱到凍冰冰的美國。據悉下星期周末的雲頂站原來是「Encore版」，傑仔說：「這個『１７３８５』演唱會去年已經唱咗雲頂站，但因為好多Fans投訴買唔到飛要求再搞，所以咁快就返轉頭再開騷。」蘇老闆強調雖然Encore再開騷，但內容會是「升級版」，就算去年看過都感到耳目一新。至於月底美國站亦是「飛」常特別，阿智說：「因為美國Fans太多，所以我哋決定二十八號首先在東岸開騷，然後漏夜趕路，隔一日就喺西岸Reno開騷。」由三十幾度的雲頂到冰天雪地的美國，體能適應很重要，他說：「所以我哋會每日飲奶粉係咁揼，交足百分之二百精彩節目畀Fans！」◇