◎ 組合農夫成員Ｃ君與電台DJ黃天頤今年底結婚，昨天準新郎Ｃ君在社交網上載一張過大禮的相片，留言：「過大禮原來有咁多規矩咁多儀式咁多嘢，發明呢樣嘢嗰個人真係好勁，促進感情更加促進經濟，多謝！」而黃天頤就留言：「雖則過大禮有好多繁文縟節，但見到長輩的笑容，值得了。」合照中見到兩位主角Ｃ君同天頤着晒代表住喜慶的紅衫，已婚好兄弟陸永亦有現身見證Ｃ君這個開心重要的日子，一班圈中好友蔡卓妍、蕭潤邦等亦有留言祝賀！