由天下一電影製作及發行，廖婉虹監製，陸以心執導，陳靜（Da Da）、朱鑑然（Kevin）余安安、張繼聰等演出的電影《BABY復仇記》獲邀入圍於十月二十八日至十一月五日在日本東京舉行的第三十二屆東京國際電影節的「亞洲未來」單元，而導演陸以心更會與戲中飾演夫妻的朱鑑然及Da Da等到當地參與是次盛事！

　陸以心之前曾憑另一電影參與過東京國際電影節，這次將帶同新作重臨舊地，她興奮表示：「當然係好開心，同埋冇諗過咁幸運可以再次入圍東京國際電影節。因為呢個係對《BABY復仇記》的莫大肯定，所以好感激電影公司、監製、所有演員仲有所有幫忙拍攝嘅手足，冇佢哋就冇呢個驚喜。」

　她又透露了拍攝《BABY復仇記》的原因，陸以心謂：「主要我想探討女人喺懷孕同埋成為母親之後嘅轉變。因為我身邊好多朋友都已經係媽媽，而我幾乎係朋友入面唯一未生小朋友嘅人。所以每次出席姊妹活動，最後都變成親子活動，令我有感而發，會諗到底一個女人生完小朋友之後，除左係媽媽身份，仲有冇機會做自己呢？於是就萌生寫《BABY復仇記》嘅想法。」

　而對於電影入圍電影節，Da Da也感到非常開心，又大讚首次合作的Kevin是一位「寶藏男孩」，她說：「Kevin有好多優點值得大家去發掘，佢外表好陽光好有正能量。亦好有自己個人魅力，對電影工作好認真係好有熱誠嘅一位好演員！

　談到為電影拍攝的準備，Da Da坦言今次為角色做了不少準備，外形上要先把頭髮剪短，是首次以短髮參演電影，更要「犧牲」為角色需要增肥接近二十磅，她說：「自己喺角色上花近兩個月時間去塑造，最大壓力係自己未做過孕婦，雖然我本身好喜愛小朋友，但角色係非一般孕婦，係一個唔鍾意小朋友嘅一個職場女強人，因為佢嘅經歷佢嘅心路歷程甚至懷孕嘅生理因素種種...所以花嘅時間資料蒐集比較多，亦都參考左好多懷孕嘅百科全書，亦都好感激身邊好多偉大嘅媽媽同我分享左好多經驗同知識，希望觀眾係電影入邊可以感受到我嘅努力同誠意。」

　至於Kevin對於首任男主角的電影能夠入圍東京國際電影節深感驚喜及感恩，他又提及拍攝的難忘事：「最搞笑係Da Da、安安姐仲有阿聰喺餐廳食飯場戲。我第一次俾一個男人大力搓胸。不過感覺好似都唔錯！哈哈！另外我同Da Da好快就熟絡，頭幾日就拍親熱戲但似乎大家都冇咩問題，只係我第一次拍咁強烈嘅親熱戲所以特別印象深刻。」◇