由天后鄭秀文（Sammi）主演的寰亞電影《花椒之味》，中秋節上映，首日票房榮登中秋檔期開畫華語片票房No.1，口碑載道，雙喜臨門。

　日前Sammi帶埋戲中火鍋店小鮮肉伙計，飾演「蕃薯」麥子樂和「蘿蔔」盧鎮業，驚喜現身戲院謝票，觀眾看完電影還未平伏情緒，眼淚鼻水還未擦乾，突然見到Sammi，立即破涕為笑。有觀眾一湧而上將Sammi重重包圍，寸步難行，非常熱情。另有一場是任賢齊Fans包場，雖然小齊不在場，但他們個個捧著「齊」字應援牌以表示支持，還向Sammi齊聲大讚「好好睇」，Sammi承諾會轉告小齊，讓他一同感受喜悅。

　穿梭多間戲院，觀眾反應好好令Sammi非常振奮，她更臨場充當司儀，急不及待訪問觀眾觀後感想。其中一位男觀眾坦言邊看邊流淚：「想起自己和爸爸、家人嘅往事，真係要好似電影咁講，要多啲同屋企人講出心底說話。」有一位女觀眾哭成淚人，聲淚俱下說：「我一路睇一路諗返自己爸爸離世嘅時候我唔喺佢身邊，仲有很多回憶，我好多嘢未同佢講⋯⋯」Sammi拍拍她肩膀安慰，說：「呢部電影就好似代你講出心裏面嘅說話，可以暖暖人心。希望大家都會帶着一份愛，對家人多一份理解，有說話都好好說。透過呢部電影，令大家心裏有更多嘅愛，同埋更多正能量。」另有觀眾表示最難忘戲中Sammi終於原諒爸爸時的對白和場景，亦有觀眾揚言已看第二次仍然被感動。

　Sammi說：「呢部電影適合同屋企一齊睇，或者請家人嚟睇。電影中有好多值得反思嘅情節，無論咩事都好，對家人都要『有話好好說』。電影內好重要嘅訊息：原諒、寬恕、釋懷、放低。呢啲都係我哋人生最重要嘅課題，希望大家睇完電影，帶着一些反思、帶着一些愛回家，好好咁去愛身邊嘅屋企人！」◇

　；