將於十一月中舉行演唱會的賈思樂（Louie）聯同嘉賓之一的向海嵐（Anne）接受「香港開電視」《娛樂頭條 E-News Headline》主持植詠珊（Cathy）專訪，Louie笑指Anne向他獻出第一次，又指六位演唱會嘉賓中，最令他擔心的是毛舜筠！

　Louie表示今次舉行演唱會part 2，是因應好友廖安麗的要求，他笑道：「本來對於開part 2我係懶懶行，攞到期咪開囉個隻，不過廖安麗話佢間慈善機構就快「無水」，希望我快啲開演唱會幫佢地籌款，所以我先開始著緊啲籌備！」

　Louie有感過去和不少女歌手合作過，為求新意，今次特別邀約六位非唱家班的「女主角」擔任嘉賓，包括毛舜筠、戚美珍、陳秀雯、楊思琦、陳煒和Anne。

　Anne是首次擔任演唱會嘉賓，Louie抵死地說：「佢第一次畀咗我！」

　對於向海嵐的唱功，Louie讚賞不已：「有次我無意中在社交平台聽到佢唱live，當下「登」一聲：乜原來佢識唱歌㗎，仲唱得好好添呀！」所以，對於Anne做嘉賓，Louie毫不擔心，相反，他最擔心的反而是舞台經驗豐富的毛舜筠。

　Louie笑道：「毛舜筠仲要向難度挑戰，選唱英文歌！唉，我本來就應承晒六位嘉賓，如果有需要，我可以陪佢地唱Ｋ練歌，睇來我要畀多啲時間毛舜筠！」◇