寰亞歌手、CAllStar的梁釗峰（釗峰）日前為新歌《28天》到大帽山拍攝MV時，竟讓他遇上傳說中的發哥（周潤發），但也變成了他當天的一個遺憾。

　釗峰失望地説：「我自己有越野跑的習慣，之前也去過大帽山跑，但一直冇遇過發哥，而撞到發哥呢件事，係好多『山友』都期待嘅事，甚至可能係成個月嘅亮點，好可惜今日因為工作，我見到佢果陣在車內，因為太突然，所以完全冇反應冇想過落車『野生捕獲』發哥同佢合照，其實我真係應該即刻衝落車。」

　說到歌名《28天》，不明究竟的人可能會有些誤會，他解釋說：「有人以為《28天》是形容女性生理周期，咁當然唔係啦，這首歌是我二十八歲時寫的，當時自己經歷了一啲唔開心嘅事，發覺解鈴還需繫鈴人，自己心結自己解，我決定用一首歌來為自己解脫。」

　「28是我畀自己嘅一個限期，每個人都會面對唔開心嘅時候，一個人感覺好孤單，但要俾情緒釋放，容許自己唔開心一陣，但唔好超過二十八日，唔好頽太耐。我希望《28》係一首可以令自己起番身嘅歌。」◇