祖兒台上說，Dear Jane跟她可以說是一見如故，一拍即合，第一次合作，由Dear Jane的Howie為她作曲的「心之科學」鑊得好好成績。 Howie話本身想寫首歌比女仔唱，寫完之後就覺得一定希望是祖兒唱，好開心祖兒又鍾意隻歌。主音黃天翔就表示，十分多謝祖兒，年初他們開紅館演唱會，祖兒未等他們開聲就已經主動話mark期來支持。祖兒笑道，「個日我見你幾個有野又唔講，個口含住包嘢咁，既然知道你地開騷就心照啦，我咪主動講囉。」

　Jackal話，「因為我地band房少女仔上來，突然之間唔知點好，好緊張。」祖兒既笑著回應，「你知不知我都好少男仔朋友架，我身邊人全部陰氣好重......」Dear Jane馬上說，「咁我地一齊玩多的啦！又既然係咁，我地不如約定再合作啦，再寫多首歌畀你！」祖兒聞言十分開心，「係咪㗎，好呀！既然心之科學難咁好成績，咁你地去開拓教育系列啦，心之體育，心之........」引得觀眾大笑。繼而大家再合唱「習慣失戀」作結。

　每晚祖兒坐高空飛船升上山頂同山頂朋友唱歌，都帶來歡樂萬分，歌迷已經學會早有準備，寫齊大家報話：我要唱歌。昨晚有人寫，雖然我病咗我都想唱，又有人寫我老婆生日所以要唱，更有歌迷頭載搞笑蟹帽搏祖兒望到，逗得觀眾及祖兒都非常開心。

　昨晚除了香港歌迷之外，更有日藉歌迷到場，舉大字報話要唱歌，祖兒見對方遠道而來又咁有誠意，當然給予機會，日本歌迷努力唱完一段歌之後，雖然無人聽得到佢唱甚麼，但全場都報以熱烈掌聲鼓勵，非常有愛。另外又有一個來自英國男歌迷，祖兒撩問佢，「hello，do you love me？？」，男歌迷答「forever！」令祖兒十分開心。事後，祖兒話，「歌迷真係好好，好識逗我開心，我開場話我會盡力做，如果他們是iphone，我就是奶媽，幫他們叉滿電，但其實歌迷才真正是我奶媽，每晚他們都幫我注進無窮無盡力量，非常感謝！」

　此外，每晚演唱會勁歌熱舞，祖兒都十分小心，不希望有行差踏錯弄傷自己影響十多場的演出，不過，前晚她的人工智能micstand自動迴旋時，反彈力太強，返到家才發現撞瘀了耳仔。祖兒也於IG上跟歌迷分享了這個小意外，「真係越跳越起勁，尋晚返到屋企發現隻耳仔瘀咗，唔怪得知跳緊嗰陣覺得有一下痛痛地啦，好彩唔係冚親個咀咋，唔係就嚇親大家啦！繼續一切順利！」

　昨晚胡杏兒，李浩林，黃智雯，胡蓓蔚，關心妍，李施華，姚子羚，Robyn & Kendy等等均有來捧場。◇