【特訊】意甲最後一輪，昨夜拖連奴主場三比一力克近況不俗的拉素，法爾基、薩沙盧傑下半場各入一球領先客軍，拉素大將恩莫比尼追成一比二，施維迪斯八十分鐘射成三比一。最終拖連奴六十三分，比拉素的五十九分多四分

　意甲聯賽，鎖定亞軍的拿玻里，昨晨在煞科戰二比三不敵博洛尼亞。拿玻里上半場先落後兩球，換邊後由高林及梅頓斯各入一球追和二比二，但博洛尼亞到完場前二分鐘，藉辛坦達的頭槌入球，鎖定三比二勝局。另一場，兩支篤定降班的球隊交手，費辛隆尼主場同切禾踢成零比零。

　意甲將於周一（二十七日）凌晨煞科，其中森多利亞主場對祖雲達斯，原本球迷熱切期待，雙方前鋒加利亞雷拉同Ｃ朗大鬥射術，爭奪神射手寶座。

　不過，Ｃ朗並無入選祖記今次大軍名單。此役今晨森多利亞贏二比０。

　今季意甲射手榜形勢，加利亞雷拉以二十六球排第一位，AC米蘭前鋒比亞迪克、阿特蘭大前鋒杜雲沙柏達同樣以二十二球，緊隨其後，Ｃ朗以二十一球排第四位。

　Ｃ朗過去九季西甲，每季聯賽都入到二十五球或以上，其中六季更入超過三十球，今季轉戰意甲之後，入波明顯減少，已經落後加利亞雷拉五球。◇