每年春天三至五月是觀賞油菜花的季節，漫山遍野鋪滿金黃色的花毯，撲面而來陣陣花香，令人心曠神怡，而薛凱琪（Fiona）賞花的方式份外特別，就是邊漫跑，邊細意欣賞和感受春日氣息。

　早前，Fiona擔任第四季杭州浦江花田跑的首席漫跑官，與一眾fans追逐花田夢，雖然跑前幾天霧雨正濃，意想不到跑步當日天公卻造美，讓Fiona今次的花田跑能夠順利完成。Fiona說：「其實去跑之前幾日同開跑前幾個鐘，都仲落緊大雨，點知跑嗰陣忽然停咗雨，到跑完又落過，所以我同主辦單位都好感恩。」

　一直有做開運動的Fiona，在整段三公里路程中，遇到不少特意前來為她打氣的小fans，甚至有fans更在沿途唱出她的歌，令她相當感動。Fiona說：「其實跑嘅過程中，你會見到周圍都有啲攤檔，有賣嘢食，有賣杭州特色嘅產品，有賣咖啡，有玩小遊戲，經過有一個角落，有人表演唱歌，亦有fans喺度唱緊我啲歌，我跑跑吓都特登走過去聽佢哋唱歌。」Fans更告知由於Fiona的原故，今年跑步人數比往年多出好幾倍呢！

　Fiona透露平時怕人多車多，自己只會在健身室跑機，因此今次有機會在花間跑步，既是運動更像享受，加上有不少fans跟在後面一起跑，令整個過程變得有趣。她說：「其實三公里當中，我唔係全程跑，有時都係行，因為好多fans喺沿途會遞水樽、紙、簿同CD要我簽名，所以跑到嘅時候就跑，跑唔到就行。」

　一年之計在於春，Fiona今年亦有不少大計。她說：「嚟緊會上馮志強導演嘅電影《犯罪現場》，自己五月會錄新歌，今次新碟同大家見面嘅形式同內容同以前好唔一樣，不過最緊要係我嘅服裝新品牌嘅夏天系列已經推出，希望大家會鍾意。」◇