由王梓軒、陳潔儀主演，劉松仁一手策劃兼導演及創作的音樂劇《利瑪竇》二十日晚開鑼，挾著松哥聲勢，十二場門票經已售罄，反應熱烈。由於是松哥閉關作，松哥認真得一絲不苟。總綵排上，所有演員全副武裝「踩台」。首次黏鬚上陣的梓軒即「利瑪竇」上身，並能講及唱出意大利文歌，令松哥激讚：「好正！佢已經入咗魔！真係好睇！佢已經做得好好，唔使做到特別好已經夠睇，真係好睇！」

　今次梓軒在音樂劇中，擔任非常重要的角色，為免不想影響到松哥的「金漆招牌」，他為今次演出秘密練兵，除了花四個月時間進行密集式排練外，他更學拉二胡及進修意大利文，壓力甚大。梓軒說：「綵排時，技術上係出咗啲問題，不過，大家都好一條心，就算有啲乜嘢出咗事，我哋都會一齊去補位，就算做得好好時，佢哋都會幫你更上一層樓！」

　陳潔儀（Kit）話：「雖然技術上問題嗰一刻係會覺得『唔係呀嘛！』但更加有鼓勵性，就係全體演員都上下一心，無受技術問題影響！深信呢班團隊係得嘅，有幾大嘅問題我哋都會克服，呢十二場希望唔會再發生呢啲嘢啦！」◇