【專訪】就已多年及持續關注氹仔「海洋世界」的閒置土地問題，李靜儀議員昨日在運輸工務範疇的施政方針辯論會上，繼續追問有關項目及土地問題。

　李靜儀表示，「《土地法》第二條第四項規定的「公眾知情原則」，然而，政府過往在同意延長土地利用期的時候，根本無將標準、理據原因等向社會公佈，話放生就放生，憑咩容許延長利用期？完全無向社會交代！廉政公署對此都作出咗批評。

　李靜儀表示，不斷追的位於氹仔鄰近史伯泰海軍馬路（即嘉樂庇大橋氹仔橋頭旁邊的「海洋世界」項目位置）一幅長年被閒置的土地卻遲遲未有收回。根據一九九七年三月十二日刊登於政府公報的批地合同批出一百三十四，八百九十一平方米，興建「海洋世界」（水族館、植物園等）以及一系列旅遊設施；合同中訂明了利用期三十六個月、二十四個月內完成各區基礎設施。有關土地批出至今已經超過二十一年，乜都無興建。」另外，「根據正式途徑向政府申請的資料，曾經係二００五年有香港公司對原來持有土地既公司進行增資以及改變持有股份比例，係澳門一貫的土地戲法；同年，有關香港公司在公開場合向傳媒證實，集團已購入呢塊「位於氹仔澳門大學與海洋花園之間」的土地，涉及金額不逾四十億元，項目以發展住宅為主；呢個訊息亦得到有關集團在隨後多年的公司年報內載明。塊地由起公園，點解轉股份賣咗出去，重大鑼大鼓話起住宅豪宅？係咪政府「暗啞底」應承咗佢改用途？」

　運輸工務司司長羅立文沒有作詳細回應，只答「正進行宣告失效程序，唔得講多啲。」◇