【特訊】國際足球友誼賽，巴西昨晨在倫敦一比零戰勝烏拉圭。上半場十一分鐘，巴西球星尼馬近門射入，不過被判越位在先無效。烏拉圭的卡雲尼和蘇亞雷斯都錯失先開紀錄的機會。下半場二十九分鐘，丹尼路禁區被侵犯，尼馬主射十二碼，為巴西取得全場唯一入球。

　周五深夜英國舉行的熱身賽，尼馬率領巴西大戰卡雲尼領銜的烏拉圭，兩大射手各為其主，可以名正言順對打，結果比賽期間火爆接觸，認真精彩！

　當比賽到八十五分鐘，巴西已經由尼馬射入十二碼領先一比零，巴西隊繼續由尼馬左路引球發動進攻，卡雲尼可能嫌隊友踢得太斯文，竟然走返右後防位置幫手，二話不說就踢落全速突破的尼馬身上，搞到對方痛苦滾地。不過今次無人會怪尼馬扮痛苦，卡雲尼出腳的確好狠，球證亦第一時間向他出示黃牌警告，最搞笑是卡雲尼同幾名隊友還圍住球證理論，覺得自己好無辜。◇