【特訊】非洲國家盃外圍賽，埃及昨晨主場迎戰突尼斯。兩支均打入俄羅斯世界盃的非洲雄獅，於小組鶴立雞群，今戰亦鬥得燦爛，於完場前依然打成二比二平手。不過埃及擁有星級戰將沙拿，這名利物浦前鋒終於重拾勇態，轟入絕殺靚波助國家隊取勝，全取三分打入非國盃決賽周。

　世界盃外圍賽，沙拿已經是帶領埃及殺入決賽周頭號功臣，並成為國家英雄，於當地人氣犀利。這次「非國外」沙拿一樣成為主角。九十分鐘雙方依然打成平手，但沙拿充滿威脅，他於右路同隊友來個靚one-two，跟著再來個冷靜chip射得手，埃及贏三比二完場。沙拿今個入波，是他國家隊第三十九個入球，過去八場國際賽沙拿都有波入。賽後埃及同突尼斯同得十二分，已肯定取得非國盃決賽周席位。◇