【特訊】歐霸盃八強首回合賽事，意甲勁旅羅馬昨晨作客二比一反勝阿積士，門將盧比斯屢救險球當然係贏波功臣，不過今場最搶鏡是阿積士球童，比賽尾段他因為不滿羅馬守將卡拉科利拖延時間，將波大力扔在對方臉上，非常火爆。

　阿積士主場出擊有個好開始，卡拉臣三十九分鐘入波先開紀錄，下半場阿積士本來可以擴大比數，但杜辛泰迪射十二碼被盧比斯撲出，這位羅馬門神今場作出八次撲救，是球隊反敗為勝關鍵。羅馬大難不死後，五十七分鐘就由羅倫素柏歷堅尼追成平手，完場前三分鐘更由伊班尼斯攻入致勝球。

　羅馬後防卡拉科利補時階段開界外球，刻意拖延時間，當時阿積士球童扔波給他，卡拉科利就故意不要走去取更遠的波，結果這球童惱羞成怒，大力將另一個波扔向他臉部，卡拉科利因為不君子行為食黃牌。◇