邵氏出品之劇集《非凡三俠》將在my TV gold上架，日前劇中演員王浩信、陳豪和鄭丹瑞（旦哥）接受《Tiger's Talk》訪問，主持人伍詠薇和林盛斌（Bob）都形容三位是圈中「型爸」，跟他們大談子女經。

　王浩信表示女兒現時八歲，父女關係非常好，他說：「我哋個世界都仲係一齊，大家會傾心事，我有時拍戲拍咩都會同佢講，放假時候，我哋會一齊去做運動、睇書、打機，佢學識游水同踩單車都係我親自教佢。有時佢直情唔小心叫我做Bro（兄弟）。」同樣是爸爸的Bob羨慕不已，他笑指家中四個小朋友經常錯叫他做「媽咪」，令他難免醋意大發，陳豪說：「你都好啦叫媽咪，我啲小朋友叫錯我做姐姐，佢哋有時口快快！」

　陳豪的三個小朋友分別六歲、五歲和四歲，對於陳豪三年抱三，連Bob都讚他厲害，陳豪即時面紅說：「唔係刻意，不過一行埋就有......」他認為論父子和父女間的溝通還早，因大仔才剛剛升上一年班，他說：「佢學緊游水，我哋先經歷到佢唔可以再入女廁，變相去完游水要自己識得沖涼，慢慢去學，佢仲係好細個。游水就交畀教練教，讀書寫字，特別係中文字就我教，冇辦法，屋企得我一個識中文，起碼學識寫自己名。」

　面對兩位年輕爸爸，旦哥的兩個女兒已經快滿三十歲，他立即向他們拋下震撼彈，他說：「我兩個女十歲左右，我老婆就慢慢教佢哋飲酒，你預佢哋十五、六歲就開始要去蘭桂芳玩，咩酒都畀佢試吓，畀佢哋知到底係咩。」他直言自己是開通爸爸，細女學鋼管舞都非常鼓勵，直至她表演邀請一家三口捧場，旦哥說：「三百幾文，我哋一家三口去，起初都冇乜事，突然扯開衫褲著T-back加BraTop，我同老婆嚇一跳......完騷就梗係照樣話跳得好好睇，Very Good，表面上冇乜嘢，呢種舞係要咁性感先好玩，我當然照畀佢玩，不過之後就唔會再去睇。」他說周日是家庭日，就算細女搬出去住，都會自動自覺返家食飯，還會帶同外籍男友回家一齊打麻雀。

　問到會否能接受女兒帶男友回家的一刻？王浩信唉聲嘆氣說：「我而家就係想維持Bro（兄弟）關係，將來真係拍拖都唔好離我太遠，被人hurt完都返嚟話我知，等我開解佢，唔好自己暱埋。由細細個開始建立友誼，可能將來佢去蘭桂芳會帶埋我呢？」身旁的旦哥不禁冷笑潑冷水。

　提到《非凡三俠》的演出，王浩信稱今次飾演一個專門販賣小童的大反派，由於童年坎坷，心理上非常變態。開拍《非》劇前，王浩信在美國剛修讀完戲劇課程，他直言獲益良多，在工作上學以致用，跟導演一齊去傾創作過程，感覺不錯。至於陳豪在劇中飾演酒保，大讚今次劇集的組合新鮮，令他有興趣客串一角，穿插在他們的故事中間。◇