鄧麗欣大讚姜皓文是好男人

 藝人鄧麗欣與姜皓文晚上在尖沙咀出席主演的電影《殘影空間》世界首映禮,十月對姜皓文來說有三重意義,包括自己與太太殷寧生日,加上結婚周年紀念,日前就自彈自唱《分分鐘需要你》冧太太,姜皓文話原本同工人姐姐夾好送驚喜,但計劃出了意外,與太太傾偈時工人姐姐已經送上蛋糕,完美計劃被破壞:「每年生日或者紀念日都要做一啲嘢,大家先會記得呢個日子。」

 鄧麗欣即大讚姜皓文是好男人,即使結婚多年仍保持甜蜜,認為女人較為細心,自己注重生日及周年紀念日。講到月中生日的她獲身在台灣的男友王子(邱勝翊)隔空送上蛋糕慶祝,她說:「都OK啦,喺疫情下佢都送咗蛋糕畀我,都好有心。(掛住男友想見面?)都慣咗喇,同佢都有八個月冇見面,希望疫情愈嚟愈好,安排緊時間見面,套戲喺香港上映,睇下佢可唔可以趁呢段時間過嚟順便睇戲。」◇