現年四十一歲的楊思琦上月十二日宣佈已誕下囝囝「豬豬」。思琦前日在社交平台貼出囝囝的初生寫真，相中Ｂ仔全程瞓住覺影，思琦亦為囝囝換上多個造型，其中更化身「熊仔」，非常可愛！同母異父的家姐楊卓穎（Krystal）亦有出鏡，但至今身份成謎的ＢＢ生父，就繼續「無影」，思琦都沒有公開一家四口全家福。

　思琦留言：「今次mummy帶我去影『寫真』！嘩！係『初生寫真』啊！第一次影靚仔相，勁開心！哈哈，原來有幾個造型！你哋鍾意邊款多啲？又有咁多靚姐姐同我着靚衫、扮型仔，幫我開暖氣，打靚燈！個個都錫晒我，對我好好喔！最驚喜係，原來佢哋仲安排咗一張超舒服的床牀畀我瞓！等我全程可以瞓住覺嚟影相，秉承我豬豬一向『貪睡』的本色，真係好嘆呀……加埋豬豬family的成員一齊陪住我影相實在太開心呢！等我可以留住美好一刻！返去要飲多幾樽奶慶祝先得yeah。」◇