近月忙於工作的麥紫莉（Chili）獲邀出席電影首映禮，Chili未算打扮隆重，但一身年輕打扮卻更見青春，原來Chili近日擔任幾個大品牌的中秋晚宴主持人，難得不用盛裝的她表示能以多個造型示人好開心，又希望每個造型都獲得讚美。「好開心有機會做大公司嘅中秋晚會主持，感覺自己終於轉型喇同埋見多咗世面！希望嚟緊嘅聖誕聯歡會、春茗或者其他周年晚會都有機會做到啦！我好抵請架，又識搞氣氛又識唱歌！喺呢段時間除咗繼續學功夫，仲有瘋狂游水，所以都瘦咗，希望快啲達標咁就正式開始影寫真嘅大計！」

　同公司的楊卓欣（Cherry）亦有幸獲邀出席，忙完一輪寫真宣傳，Cherry正處於休息狀態，「啱啱補拍埋網絡劇集，又做完一連串寫真宣傳，早排去咗旅行放鬆吓！寫真嘅銷量好好呀，但係估唔到特別印嘅卡仔仲搶手，卡仔已經加印到第三版，所以嚟緊都會再開多次見面會，俾粉絲再儲吓新一系列嘅卡仔！」新人鄭瑞琳（Niki）都有跟師姐一同出席，年紀最輕的她打扮卻最成熟，「自己本身都讀英國文學，所以特別鍾意睇西片，尢其係呢類笑片種。暫時未有特別工作，不過公司話我講嘢嘅方式同一般女仔好唔同，好有喜感，嚟緊會拍一啲短片放上網，試吓大家反應！」◇